ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 8 شووبات/فیبرایەر (ئاكانیوز)- بەرپرسێن مالیزیا ئاماژە ب وێ یەكێ دكەن كو 3 وەلاتیێن ب نەژاد ئیرانی ب تومەتا ئینانا مادیێن هوشبەر بو وی ولاتی هاتینە گرتن.

لگوری نوچەیەكێ (بی بی سی)، محەمەد سوبری هاریكارێ رێڤەبەرێ گومركا بالەفرگەها نیڤدەولەتییا مالیزیا راگەهاندییە كو 3 ئیرانی ب تومەتا ئینانا 55 كیلوگرامێن مادەیێن هوشبەر ب قاسی 4 ملیون دولارێن ئەمەریكایی بۆ وی ولاتی هاتینە گرتن.

سوبری ئاماژە ب وێ یەكێژی كرییە كو ئەو 3 كەس 2 ژوان ئافرەتن و ئێكژی زەلامە و هاتبوونە مالیزیا و ب نیازبوون وی مادێ هوشبەر بینە ناڤ ولاتی.

لگوری هەمان ژێدەر هەر كەسەك كارێ كرین و فروتنا مادێن هوشبەر بكەت لگوری یاسایا مالیزیا دێ هێتە بدارڤەكرن.
ژێدەری خویاژی كرییە د دەمێ سالا بوریدا 2008ێ، 41 كەس ب تومەتا ئینانا مادێن هوشبەر هاتینە گرتن كو 10 ژ وان ب نەژاد ئیرانینە.

(ئاكانیوز) ه ن