ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 15 ئادار/مارس (ئاكانیوز)- ئێوارەى ئەمڕۆ دووشەم لە هۆڵی یانەى ئەكاد لە شارۆكەی عەنكاوە لە میانی یارییەكانى خولی بژاردەى خولی نایابی بالەى عێراق یانەى شورتە بەئەنجامی (3-0) گێم لە یانەى هەولێرى بردەوە.

ئەنجامی گێمەكان بەمشێوەیە بوو (25-20، 25-23، 25-23).

دواى یارییەكە شەهاب ئەحمەد ناوبژیوانى نێودەوڵەتی بالە بەئاژانسی كوردستان بۆ دەنگوباس (ئاكانیوز)ى ڕاگەیاند "هەر چەندە یاریزانانی یانەى شورتە كەشی یارییەكەیان لە گێمی یەكەم گرتە دەست و پێشكەوتن، بەلاَم لە گێمی دووەم و سێیەم یانەى هەولێر باشتر یارییان كرد".

ئەحمەد ئەوەشی گوت "یانەى هەولێر ئەگەر هەڵەى ڕاهێنەریان نەبووایە، یارییەكەیان دەبردەوە".

خولی بژاردەی یانە نایابەكانی بالەى عێراق بەبەشدارى 8 یانە ئەنجام دەدرێ، یانەكانیش برێتین لە (هەولێر، پێشمەرگەى سلێمانى، سناعە، بەحرى، شورتە، دەغارە، مەسافی)، خولەكەش بەسەرپەرشتی یەكەتیی ناوەندی بالەى عێراق بەڕێوە دەچێ.

( ئاكانیوز ) م ت