ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

لەندەن 15 ئادار/مارس (دیپیئەی-ئاكانیوز)- فابیۆ كاپیلۆ بەڕێوەبەرى تەكنیكى هەڵبژاردەى ئینگلتەرا هاوخەمى خۆى بۆ ئەنگاوتنەكەى یاریزانى هێڵى ناوەڕاست دێڤید بێكهام دەربڕی، كە شیمانەى زۆرى هەیە لە پاڵەوانیەتیی مۆندیالى 2010 كە بڕیارە هاوینى داهاتوو لە باشوورى ئەفەریقیا سازبدرێ، بەشداری نەكات.

كاپیلۆ لە بەیاننامەیەكدا كە لە ماڵپەڕى یەكەتیی تۆپی پێی ئینلگیزى بڵاو كراوەتەوە، گوتى "زۆر دڵگرانم بەوەى كە دێڤید تووشى ئەنگاوتن هاتووە، تا ئێستە چاوەڕێی ئەنجامى تاقیكردنەوەى پزیشكین، بەڵام شیمانەى هەیە لە مۆندیالى داهاتوودا بەشداری نەكات".

كاپیلۆى ئیتاڵیایی ئەوەشى گوت "بۆ پاڵپشتیكردنى دواى یارییەكە قسەم لەگەڵی كرد، بێكهام یاریزانێكى ناودارى گەورەیە و زۆر بەڕژدى كاری دەكرد، تا خۆى بۆ بەشداریكردنى مۆندیالى داهاتوو ئامادە بكات، لەبەرئەوە ئامادەنەبوونى ئەو لەو پاڵەوانیەتییە گورزێكى بەهێزە".

ئەمڕۆ دووشەم یاریزان بێكهام لە فینلەندا نەشتەركارى بۆ دەكرێ، دواى ئەوەى دوێنێ شەو لە كاتى یاریكردندا كە تێیدا یانەى میلان سەركەوت بەسەر یانەى ڤیرۆنا بەگۆڵێكى بێ بەرامبەر لە خولى ئیتاڵیا، تووشى ئەنگاوتن هات.

و: ئا ئە