ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 12 ئادار/مارس (ئاكانیوز) ـ ئێوارەى دوێنێ پێنجشەم یانەى هامبۆرگى ئەڵمانیایی هەنگاوێكی گرینگی بەرەو قۆناخى 16ى پاڵەوانیەتیی خولی ئەوروپا (تاسی یەكەتیی ئەوروپاى پێشوو) كاتێك توانى لە ناو یاریگەى و هاندرەنی خۆى بەئەنجامى 3/1 لە یانەى ئەندەرلێختی بەلجیكایی بباتەوە.

سەرەتا یانەى ئەڵمانی لە خولەكەكانى 32 و 40 لە ڕێگەى یاریزانان یۆریس ماسیس و رۆد ڤان نیستلرۆى بەدوو گۆڵ پێش كەوت، پاشان لە دوا چركەكانى گێمی یەكەم جۆناسان لیگەر گۆڵی یەكەمى بۆ ئەندرلێخت تۆمار كرد.

لە گێمی دووەمدا دیڤید یارۆلیم گۆڵی سێیەمى بۆ یانەى ئەڵمانیایی تۆمار كرد.

بەم بردنەوەیە یانەى هامبۆرگ ئەركی ئاسانتر دەبێ لە یاریی گەڕانەوەدا لە ڕۆژى پێنجشەمى داهاتوو.

لە یارییەكانى ترى هەمان پاڵەوانیەتیی (رۆبین كازان (ڕووسیا) × فۆلفسیبۆرگ (ئەڵمانیا) 1 – 1، لیل (فرەنسا) × لیڤەرپوول ( ئینگلتەرا) 1 – سفر، ئەتلەتیكۆ مەدرید (ئیسپانیا) × سپۆرتینگ لشبۆنە (پورتوگال) سفر – سفر، یۆڤانتس (ئیتاڵیا) × فۆلهام (ئینگلتەرا) 3 – 1، ڤالنسیا (ئیتاڵیا) × ڤێردەبرێمن (ئەڵمانیا) 1 – 1، بنفیكا (پورتوگال) × مارسیلیا (فرەنسا) 1 – 1، ستاندەر لیج (بەلیجكا) × پاناسینایكۆس (یۆنان) 3- 1.

(ئاكنیوز) م ع