ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 8 شوبات/فبرایەر (ئاكانیوز)- ئەمڕۆ دووشەم گۆتیارى ڕاگەیەندنكارى یانەى وەرزشیى جەوییە ڕاى گەیاند، یاریزان رەزاق فەرحان بەهۆى دوورخستنەوە، سبەى سێشەم لە یارییەكەى جەوییە بەرامبەر یانەى سەڵاحەدین ئامادە نابىَ و گرێبەستى سامر سەعید یاریزانى نێودەوڵەتیش هاتە دواخستن.

ئەمیر داغستانى بەئاژانسى كوردستان بۆ دەنگوباس (ئاكانیوز)ى گوت "یاریزان رەزاق فەرحان سبەى سێشەم لە یاریى جەوییە لەگەڵ یانەى سەڵاحەدینى مێوانى لە گەڕى حەوتەمى خولى نایابى تۆپى پێى عێراق ئامادە نابىَ، بەهۆى دوورخستنەوەى لە 2 یاریى یەك لە دواى یەكدا".

داغستانى ئەوەشى گوت "هۆكارى دوورخستنەوەكە بۆ دواى كۆبوونەوەى دەستەى كاتى بۆ بەڕێوەبردنى تۆپى پێى عێراق و لێكۆڵینەوە لە ڕووداوەكانى نێوان جەوییە و زاخۆى مێواندارى لە گەڕى پێنجەمى خولى نایابى تۆپى پێى عێراق دەگەڕێتەوە".

لەلایەكى ترەوە داغستانى دووپاتى كردەوە "دەستەى كارگێڕیى یانەى جەوییە گرێبەستى سامر سەعید یاریزانى نێودەوڵەتیى دواخست بەهۆى نەگەیشتن بەڕێككەوتنى كۆتا لەبارەى بڕى پارەى گرێبەستەكەوە دواخست"، هەروەها ڕوونى كردەوە "هەردوولا لە ماوەى چەند ڕۆژێكى كەمى داهاتوودا دەگەنە چارەسەرێك كە جێگەى ڕەزامەندیى هەموو لایەنەكان بىَ".

و: ر م