ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 13 ئادار/مارس (ئاكانیوز)- سەروكێ رێكخراوا مافێن مروڤی هوبەیا هەكاری /1410 كم باشوورێ ئەنقەرە/، ب هەلكەفتا 22یەمین سالڤەگەرا جینوسایدا هەلەبجە داخوازێ ژ وەلاتییان دكەین بو دەمێ 3 روژا جلێن رەش بپوشن و لسەر پەنجەرێن مالێن خو پەروكێن رەش هەلاویسن.

ئیسماعیل ئاكبولوت د كونگرەیەكێ روژنامەڤانیدا كو پەیامنێرێ ئاژانسا كوردستان یا دەنگوباسان (ئاكانیوز)ژی بەرهەڤ ببو راگەهاند" ب هەلكەفتا 22یەمێن سالڤەگەرا جینوسایدا هەلەبجە داخوازێ ژ وەلاتییان دكەم بو دەمێ 3 روژا جلێن رەش بپوشن و لسەر پەنجەرێن مالێن خو پەروكێن رەش هەلاویسن"، خویاژی كر "روژا 14 ئادار/مارس دێ سالڤەگەرا هەلەبجە بلند هێتە راگرتن و دێ سێ روژان یا بەردەوام بیت و تێدا دێ چەندان چالاكی هێنە ئەنجام دان".

هەروەها ئاكبولوت گوت "پێشانگەهەكا وێنەیێن فوتوگرافێ یا قوربانیێن هەلەبجە دێ هێتە ڤەكرن و هەیا روژا 16 ڤێ مەهێ دێ یا بەردەوام بیت، بو وێ یەكێ كو خەلك هەستێ خو لهەمبەری وێ كومكوژیێ دەرببرن دێ دەفتەرەكی دابین كەین كو تێدا هولویستێ خو نیشا بدەن، هەروەها دێ رێورەسم ب ستران و هوزانان بداوی هێت".

ئاماژە ب وێ یەكێژی كر "ئەو رێورەسم دێ سێ روژی ب پستەڤانییا تەڤایا رێكخراوێن جڤاكێ سڤیل یێن باژێرێ هەكارێ بەردەوام بیت".

(ئاكانیوز) ه ن