ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 10 ئادار/مارس (ئاكانیوز) ـ مەسعوود بارزانی سەرۆكی هەرێمی كوردستان هاوخەمی و هاوسۆزی لەگەڵ ماڵباتی قوربانییانی بلەرزەكەی پارێزگای ئە‌لازیغی توركیا پێشان دا.

سەرۆكی هەرێمی كوردستان ئەمڕۆ چوارشەم برووسكەیەكی نووسراوی ماتەمینی ئاراستەی ماڵباتی قوربانییانی پارێزگای ئە‌لازیغ كرد و تێیدا پرسە و سەرەخۆشی لە گشت ماڵبات و هاووڵاتییانی ئەو پارێزگەیە كرد.

لە برووسكەكەدا نووسراوە "وێڕای دە‌ربڕینی هاوخە‌می بۆ ئێوە‌ی كە‌سوكاری قوربانییان، لە‌ خوای گە‌ورە‌ داواكارم گە‌لی توركیای دۆست لە‌ هە‌موو ناخۆشییە‌ك بپارێزێت و قوربانییانیش بخاتە‌ بە‌ر ڕە‌حمە‌ت و دلۆڤانیی خۆی و هیوای چاكبوونە‌وە‌ی هە‌ر چی زووتریشە بۆ برینداران دە‌خوازم". ماڵپەڕی ڕەسمیی حكوومەتی هەرێمی كوردستان بڵاوی كردەوە.

هەر لە برووسكەكەدا هاتووە "ئەو كارەساتە كە كوژران و برینداربوونی ژمارەیەكی زۆری خەڵكی دەڤەرەكەی لێ كەوتەوە، بووە هۆی پەژارە و نیگەرانیی ئێمە".

هەژیی گوتنە بەرەبەیانیی پێرێ دووشەم، پارێزگای ئە‌لازیغ /760 كم ڕۆهەڵاتی ئەنقەرە/ و دەوروبەری بەبلەرزەیەكی توند كە هێزەكەی 6.0 پلە بوو بەپێوەری ڕێختەر هاتە هەژاندن و لە ئەنجامدا 57 كەس گیانیان لە دەست دا و زیاتر لە 100 كەسی تریش بریندار بوون.

(ئاكانیوز) ك ك