ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

كابول 8 شوبات/فبرایەر (دیپیئەى-ئاكانیوز)- لە ئەنجامى تەقینەوەى بۆمبێكى چاندى لە باشوورى ئەفغانستان، 2 سەربازى سەر بە هێزەكانى پەیمانى ئەتلانتیكى باكور (ناتۆ) كە ڕابەرایەتیى هێزى یارمەتیدەرى تەناهیى نێودەوڵەتى (ئیساف) دەكات، هاتنە كوشتن.

ئەمڕۆ دووشەم ئیساف لەو بارەیەوە ڕاى گەیاند، ڕووداوەكە دوێنىَ یەكشەم ڕووى داوە، بەڵام ئاماژەى بەناسنامەى 2 سەربازەكە و شوێنى ڕووداوەكەى نەدا.

هەژیىَ گۆتنە زۆربەى ئەو سەربازانەى بەشداریى هێزى یارمەتیدەرى تەناهیى نێودەوڵەتى دەكەن كە لە ناوچەكەدا جێگیرە، سەر بەئەمەریكا و بەریتانیا و هۆڵەندان.

تەقینەوەكەى دوێنىَ لە هەمان شوێندا ڕووى دا كە تێیدا هەزاران سەربازى ئەفغانى و هێزەكانى ناتۆ خۆیان بۆ ئەنجامدانى گەورەترین هێرش لە دژى مۆڵگەكانى تاڵیبان لە هەرێمى هلمەند لە ماوەیەكى زۆر نێزیكدا ئامادە دەكەن.

ماڵپەڕێكى سەربەخۆ كە تایبەتە بەئامارى قوربانییان لە هەریەك لە ئەفغانستان و عێراق، مەزندەى كرد كە بەلایەنى كەمەوە 59 سەربازى سەر بەناتۆ لە سەرەتاى ئەمساڵدا لە ئەفغانستاندا هاتوونەتە كوشتن.

ئەو بۆمبە چاندییانەى لەسەر ڕێگەكان دێنە دانان، بوونەتە هۆى نێزیكەى 90%ى زیانە مرۆیییە سەربازییەكانى ئەمساڵ.

ژمارەى كوشتییەكان لە ڕیزى سەربازە بیانییەكان لە ئەفغانستان لە ساڵى ڕابردوودا بۆ 450 سەرباز بەرز بووەوە و ساڵى 2009 بەخوێناویترین ساڵ بۆ هێزە نێودەوڵەتییەكان لە قەڵەم دەدرىَ كە لە ساڵى 2001ەوە لەلایەن وڵاتە یەكگرتووەكانى ئەمەریكاوە لەو ولاتەدا ڕابەرایەتى دەكرێن.

و: ر م