ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

واشنتۆن 12 ئادار/مارس (دیپیئەی ـ ئاكانیوز) ـ ئەو كرێكارانەی كە بەهۆی هەوڵەكانی ڕزگاركردن و پاككردنەوەی سەنتەری وێرانكراوی بازرگانی دنیایی لە نیویۆرك، دووچاری كێشەی تەندروستیی هاتبوون، ڕازی بوون كۆتایی بەسكاڵاكانیان بێنن بەرامبەر قەرەبووكردنەوەیەك كە بڕەكەی دەگاتە 657 ملیۆن دۆلار. ڕۆژنامەی "نیویۆرك تایمز" درەنگانی دوێنێ پێنجشەم ڕای گەیاند.

نێزیكەی 10 هەزار داواكار كە لە نێوانیاندا پیاوانی ئاگركوژێنەوە و ئەفسەرانی پۆلیس و كرێكار و فەرمانبەری فریاكەوتنی تێدا، داواكارییان بەرامبەر 90 تۆمەتبار بەرز كردەوە كە لە نێوانیاندا شاری نیویۆرك و كۆمپانیاگەلێكی تایبەت كە ئەركی خاوێنكردنەوەیان ئەنجام داوە، تێدایە.

لەلایەكی ترەوە داواكاران سەرۆكی شارەوانیی نیویۆرك (مایكڵ بلومبێرگ)یان بەوە تۆمەتبار كرد كە خزمەتگوزاریی چاودێریی تەندروستیی پێشكێش بەو كەسانە نەكردووە كە دوابەدوای هێرشەكانی 11ی ئەیلوول/سپێتێمبەری ساڵی 2001 بۆ سەر هەردوو تاوەری سەنتەری بازرگانی دنیایی، دووچاری نەخۆشی هاتبوون.

و: ك ك