ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 11ئادار/مارس (ئاكانیوز)- وەزارەتی ناوەخۆی عێراق شكست پێهێنانی هەوڵی ئاودیوكردنی بڕێك دراوی چەرخە ئیسلامییەكانی راگەیاند.

لە لێدوانێكدا كە لە ماڵپەڕی وەزارەتەكە دوێنێ بڵاو بووەتەوە هاتووە كە "پۆلیسی گومرگی نەجەف توانی گوامنبارێك بە 350 پارچە دراوی هەمەقەبارەی چەرخە ئیسلامییەكان بگرێت، كە بەنیاز بوو بەقاچاخ بەرەو دەرەوەی وڵات بیانبات".

وەزارەتی پێداگری لەوە دەكات كە ئەو گومانبارە گیراوە و رێَوشوێنی یاسایی لە دژی گیراوەتە بەر.

لەلایەكی ترەوە بەپێی هەواڵێكی ئەمڕۆی رۆژنامەی سەباحی عێراقی هێزەكانی پاراستنی دەروازەی سەرەكیی كووتیش شكستیان بەهەولێ بەقاچاخبردنی 21 پارچە ئاسەواری مێژووییی عێراقی هێنا و گومانبارێكی بەو هۆیەوە گرت.

(ئاكانیوز) ب ع