ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

سلێمانی 8 شوبات/فێبرایەر (ئاكانیوز)- بەڕێوەبەری پۆلیسی پارێزگەی سلێمانی رای گەیاند تەنیا لە مانگی (كانوونی دووەم/یەنایەر)ی رابردوودا 11 كەس لە پارێزگەی سلێمانیدا خۆیان كوشتووە.

نەجمەدین قادر ئەمڕۆ دووشەم بەئاژانسى كوردستان بۆ دەنگوباس (ئاكانیوز)ی ڕاگەیاند "لە مانگى كانوونی دووەم/یەنایەری ڕابردوودا 9 كەس لە ناو شارى سلێمانى و 2 كەسیش لەدەوروبەرى شارەكەدا خۆیان كوشتووە".

هەروەها گوتی "ئەو 11 كەسە زۆربەیان خۆیان بەگولە كوشتووە و یاخۆ بەپەت خۆیان خنكاندووە".

قادر ئاماژەى بەوەش دا "تا ئێستە هۆكاری زۆربەی ئەو حاڵەتی خۆكوشتنانە نەزانراون، بەڵام ئەو كەسانە زۆربەیان قوتابی بوون، 9 یان لە ڕەگەزی نێر و دووانەكەی تریش رەگەزیان مێ بووە".

(ئاكانیوز) ه ن