ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

ئەنقەرە 15 ئادار/مارس (ئاكانیوز) – ڕێژەى بێكارى لە سەرانسەرى توركیادا لە مانگى تشرینى دووەم/نۆڤێمبەر تا كانوونى یەكەم/دیسێمبەرى پارساڵ 13.5%ى تۆمار كرد.

دەزگەى ئامارى گشتى توركیا هەر 3 مانگ جارێك توێژینەوەى حۆى لەبارەى خانەى بێكارییدا بۆ خولى 3 مانگى بەئەنجام دەگەیەنێت. ئامارى ئەمجارەیان لە مانگەكانى تشرینى دووەم/نۆڤێمبەر، كانوونى یەكەم/دیسێمبەرى 2009 و كانوونى دووەم/یەنایەرى 2010 لەخۆوە گرت. ژمارەى بێكارانى توركیا گەیشتە 3 ملیۆن و 361 هەزار هاووڵاتى.

ئەم ژمارەیە بەبەراورد لەگەڵ پارساڵدا ڕێژەى 0.5%ى تۆمار كرد واتە زیاتر لە 29 هەزار كەسى بێكار زیادی كردووە. بەم شێوەیە ڕێژەى بێكارى بۆ 13.5% بەرزبووەوە. لە مانگى كانوونى یەكەم/دیسێمبەردا واتە تەنیا لە مانگێكدا ڕێژەى بێكارى گەیشتە 14.9% و لە مانگى شوباتدا ڕێژەكە زیاتر ڕووى لە بەرزبوونەوە كرد تا گەیشتە ئاستى 16.1% كە بەخێرایی ئەم ئاستەى تۆمار كرد.

بەگوێرەى ئەم ڕێژانە تەنیا لە دوو مانگى ڕابردوودا 509 هەزار كەس بێكار بوونى هەیە كە ئەویش بەبەراورد لەگەڵ ڕێژەى گشتییدا 15.1% تۆمار دەكات. بێكارانى ناو شارەكان لە مانگى كانوونى یەكەم/دیسێمبەر 2008دا 15.6% و لە ناوچە دێهات و چیاییەكاندا 1.5% تۆمار كرد و لە كۆى گشتییدا توانى بۆ 9.2% دایبەزێنێت و جێگیرى بكات.

لە بوارى كشتوكاڵى 0.2% تۆمار كرا كە لە كۆى گشتییدا شوێنى خۆى لە 16.6% دۆزییەوە و ڕێژەى بێكارە لاوەكان 1.9%ى تۆمار كرد كە لە كۆى گشتییدا 24.1% ڕوو لە زیادى كرد.


هەژیی گۆتنە لە ساڵى 2005 تا ئێستا دەزگەى ئامارى گشتى توركیا جووڵەى بەردەوام بەخۆوە دەبینێت و بەشێوەى خول ئاشكراى دەكات و پشت بەستاندەردى 3 مانگى بەشێوەیەكى زۆر ورد دەبەستێت و هەر جارێك خانەیەكى نوێى بەراوردى بۆ بەئەنجام دەگەیەنێت.

(ئاكانیوز) هـــ ج