ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 11 ئادار/مارس (ئاكانیوز)- نرخى گرێبەستە دواخراوەكانى نەوتى كاڵى ئەمەریكایى ئەمڕۆ پێنجشەم بۆ خوارووى 82 دۆلارى ئەمەریكایى بۆ یەك بەرمیل نزمبووەوە، دواى ئەوەى دوێنێ چوارشەم بەرزترین ئاستى تۆمار كرد لە ماوەى 8 هەفتەدا.

نرخى گرێبەستەكانى نەوتى كاڵى سووكى ئەمەریكایى بۆ مانگى نیسان/ئەپریلى داهاتوو، بەنزمبوونەوەى 50 سەنت، ئەمڕۆ پێنجشەم بۆ 81,59 دۆلارى ئەمەریكایى بۆ یەك بەرمیل دابەزى، دواى ئەوەى دوێنێ چوارشەم لە كاتى یەكلاكردنەوەدا لە بۆرسەى نایمكس بەدابەزینى 60 سەنت، بۆ 82,09 دۆلارى ئەمەریكایى بۆ یەك بەرمیل دابەزى، سەرچاوەگەلى ڕۆژنامەوانى ئەمڕۆ پێنجشەم گواستیانەوە.

هەروەها نرخى گرێبەستەكانى نەوتى كاڵى پرینت لە لەندەن، بەدابەزینى 47 سەنت كە دەكاتە 0,58%، بۆ 80,01 دۆلارى ئەمەریكایى بۆ یەك بەرمیل دابەزى.

هەژیى گۆتنە شیمانەى مانەوەى بەرهەمە نەوتییەكانى ڕێكخراوى ئۆپیك بەبێ گۆڕانكارى لە چارەكى دووەمى ئەمساڵدا، كاریگەرى نەرێنى كردە سەر نرخەكانى نەوتى كاڵ.

(ئاكانیوز) هـ هـ