ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هەولێر 9 ئادار/مارس (ئاكانیوز)- دواى ئەوەى دوێنێ دووشەم نرخى زێڕ لە نیویۆرك بەڕێژەى 1% نزم بووەوە، ئەمڕۆ سێشەم بەهۆى مەترسییەكانى توندكردنى سیاسەتى دارایییەوە نرخى زێڕ جێگیر بوو.

نرخى زێڕ لە بازاڕە ڕاستەوخۆكاندا لە نیویۆرك 1123,40 دۆلارى ئەمەریكایى بۆ یەك ئۆنسە تۆمار كرد بەبەراورد لەگەڵ 1122,85 دۆلار كە دوێنێ دووشەم لە كاتى داخستنى بازاڕەكانى نیویۆرك تۆمار كرا، سەرچاوەگەلى ڕۆژنامەوانى ئەمڕۆ سێشەم گواستیانەوە.

هەروەها نرخى زیو گۆڕانكاریییەكى ئەوتۆى بەسەردا نەهات و لە 17,21 دۆلارەوە بۆ 17,19 دۆلارى ئەمەریكایى بۆ یەك ئۆنسە دابەزى.

نرخى پلاتین لە 1595,50 دۆلارەوە بۆ 1589,50 دۆلارى ئەمەریكایى بۆ یەك ئۆنسە دابەزى و نرخى پلادیۆم لە 466 دۆلارەوە بۆ 470 دۆلارى ئەمەریكایى بۆ یەك ئۆنسە بەرز بووەوە.

(ئاكانیوز) هـ هـ