ئاژانسی كوردستان بۆ دەنگوباس
ئاژانسێكی نیشتمانیی سەربەخۆی هەواڵە

هێلسینكى 8 شووبات/فێبرایەر (ئاكانیوز-دیپیئەی)- ئەمڕۆ دووشەم كۆمپانیاى مۆبایلى فینلەدایی بۆ دروستكردنى مۆبایلى نۆكیا ڕاى گەیاند، كۆمپانیاكەیان پلانى داناوە بەڕێژەى 10% یاخۆ 285 كارمەندى لە كارگە سەرەكییەكەى فینلەندا "سالۆ" لا دەبات.

كارگەى سالۆ نێزیكەى 2500 كارمەندى هەیە، كۆمپانیای نۆكیا گوتی، مەبەست لەم پلانە یارمەتیدانى ئەو كارمەندانەیە كە كاریگەرن بەچارەسەى هەمەلایەنە.

كۆمپانیاى نۆكیا گوتى، لادانى ئەم كارمەندانە بەشێكە لە وەگەڕخستنەوەى كارگەى سالۆ، كە دەكەوێتە بەشی ڕۆئاواى هێڵسینكى پایەتەختى فینلەندا، هەروەها تیشك خستنە سەر "بازارى مۆبایلى هۆشمەند بەتایبەت لە ئەوروپا"، ئەوەشى گوت كۆمپانیاكە هیواخوازە خزمەتگوزارییەكانى بەخێرایی پێشكێش بكات.

كۆمپانیای نۆكیا كە گەورەترین كۆمپانیای دروستكردنى مۆبایلە لە دنیا، لە وڵاتانى بەرازیل و بەریتانیا و چین و فینلەندا و هەنگاریا و هیندستان و مەكسیك و رۆمانیا و كۆریای باشوور لقى دروستكردنى كۆمپانیاكەى هەیە بۆ دروستكردنى مۆبایلەكانى.

و: ئا ئە